សិល្បៈ៖ បើតាមប្រភពពីសិល្បករ សិល្បការិនីជាច្រើនបានបង្ហោះសារលើបណ្ដាញសង្គម និងចូលរួមរំលែកទុក្ខដោយបញ្ជាក់ថា លោកព្រឹទ្ធាចារ្យកោសល្យវោហារ គង់ ណៃ ទទួលមរណភាពហើយនៅថ្ងៃទី២៨ ខែមិថុនានេះ ក្នុងជន្មាយុ ៨០ឆ្នាំ។
សូមជម្រាបថា លោក គង់ ណៃ កើតនៅថ្ងៃទី១៥ ខែមីនា ឆ្នាំ១៩៤៤ នៅភូមិដូង ឃុំស្វាយទងខាងជើង ស្រុកកំពង់ត្រាច ខេត្តកំពត។ លោកត្រូវបានផ្តល់គោរមងារថាជាព្រឹទ្ធាចារ្យកោសល្យវោហារ ដែលជាគោរមងារថ្នាក់ជាតិជាមត៌កមនុស្សរស់ដោយរាជរដ្ឋាភិបាលកម្ពុជា៕
